მამოპლასტიკა გულისხმობს სარძევე ჯირკვლების ქირურგიული ცვლილებას.  ჩარევა რამდენიმე მიმართულებით შეიძლება განხორციელდეს:

• გადიდება (აუგმენტაცია) – სილიკონის ან სხვა ტიპის იმპლანტით, ასევე საკუთარი ცხიმით (ლიპოფილინგით),
• დაპატარავება – სარძევე ჯირკვლის ზომების შემცირება, ჭარბი ქსოვილების მოცილებით,  სიმძიმის ან სიმძიმით გამოწვეული ტკივილის მოსახსნელად ან ესთეტიკური მიზნით,
• ლიფტინგი (მასტოპექსია) – ჩამოშვებული ძუძუს აწევა და კანის ლიფტინგი,
• იმპლანტის შეცვლა – ძველი იმპლანტის ჩანაცვლება ახალი ან გაუმჯობესებული მოდელით.

შესაძლებელია ჩამოთვლილი ჩარევების ნაწილის კომბინაცია (მაგალითად ლიფტინგი და იმპლანტის შეცვლა, გადიდება და ლიფტინგი, და სხვა).  კონსულტაციისას ქირურგი აფასებს პაციენტის მდგომარეობას, ინდივიდუალურ საჭიროებებსა და მოლოდინს და განსაზღვრავს ოპტიმალურ მეთოდს.

პროცედურის დეტალები 

ხანგრძლივობა: საშუალოდ 1.5-დან 3.5 საათამდე, ჩარევის ტიპის მიხედვით. 

ანესთეზია: ზოგადი 

რეაბილიტაცია: შეშუპება, მგრძნობელობა და სიმკვრივე შეიმჩნევა პირველ კვირებში. აუცილებელია კომპრესიული თეთრეულის გამოყენება ექიმის მიერ დანიშნული ვადით.  პაციენტმა უნდა განახორციელოს რამდენიმე პოსტოპერაციული ვიზიტი კლინიკაში. 

შედეგი: შედეგი თვალსაჩინოა მყისიერად, ოპერაციის შემდეგ, თუმცა საბოლოო შედეგი დგება ოპერაციიდან 3-6 თვეში. 

ვისთვის არის რეკომენდებული: ჩარევები რეკომენდებულია მათთვის, ვისაც სურს სხეულის პროპორციების კორექცია, აწუხებს ტკივილი ან დისკომფორტი დიდი ზომის სარძევე ჯირკვლის გამო, ან აქვს იმპლანტის გამოცვლის საჭიროება. 

ფასი

ფასი დამოკიდებულია ჩარევის სახეობასა და მოცულობაზე და მერყეობს:

• გადიდება იმპლანტებით: 12,000 - 14,700 ლარის ფარგლებში,
• დაპატარავება: 10,100 – 10,600 ლარის ფარგლებში,
• ლიფტინგი (აწევა): 9,500 – 15,500 ლარის ფარგლებში,
• იმპლანტის შეცვლა: 14,500 – 17,500 ლარის ფარგლებში.