ოტოპლასტიკა შეიძლება მოიცავდეს სხვადასხვა სახის ქირურგიულ ჩარევას, მათ შორის, გამოწეული ან ასიმეტრიული ყურების კორექციას, ასევე ბიბილოს პლასტიკას, რაც თავის მხრივ გულისხმობს ბიბილოს ფორმის ან სტრუქტურის აღდგენას – მაგალითად, დაპატარავებას, გახვრეტილი ან გახეული ბიბილოს აღდგენას ან გენეტიკურ დეფორმაციის გამოსწორებას. ორივე ჩარევა, როგორც წესი, დაბალი რისკის მქონეა.

პროცედურის დეტალები 

ხანგრძლივობა: საშუალოდ 1-დან 2 საათამდე, პროცედურის ტიპისა და სირთულის მიხედვით. 

ანესთეზია: ძირითადად ადგილობრივი, თუმცა შესაძლებელია ზოგადი ანესთეზიის გამოყენებაც. 

რეაბილიტაცია: ოპერაციის შემდეგ, რამდენიმე დღის განმავლობაში, აუცილებელია სპეციალური ნახვევის ტარება. შესაძლებელია აღინიშნებოდეს შეშუპება და მსუბუქი დისკომფორტი 7–10 დღის განმავლობაში.  პაციენტს დასჭირდება რამდემინე პოსტ-ოპერაციული ვიზიტის განხორციელება კლინიკაში. 

შედეგი: შესამჩნევია პირველივე დღეებში, თუმცა საბოლოო შედეგი ყალიბდება დაახლოებით 1–2 თვეში, როდესაც სრულად ჩაცხრება შეშუპება.

ვისთვის არის რეკომენდებული: ოპერაცია რეკომენდებულია მათთვის, ვისაც აწუხებს ყურის ან ბიბილოს ფორმის, ზომის ან პოზიციის ესთეტიკური ან სტრუქტურული პრობლემები და სურს მათი გამოსწორება.