გინეკომასტია მამაკაცის სარძევე ჯირკვლის გადიდებას გულისხმობს. იგი შეიძლება იყოს ჭეშმარიტი, როდესაც მამაკაცის ძუძუს მომატებული ფორმა განპირობებულია მისი სარძევე ჯირკვლის ჭარბი განვითარებით, ან ცრუ, როდესაც მომატებულ ფორმას განაპირობებს ლოკალურად ჭარბი ცხიმის დაგროვება. ხშირია გინეკომასტიის კომბინირებული ვარიანტი.

გინეკომასტიის მკურნალობა ხდება ოპერაციული გზით, როდესაც კეთდება ან მხოლოდ ლიპოსაქცია ან ლიპოსაქციის კომბინირება სარძევე ჯირკვლის ამოკვეთასთან.

პროცედურის დეტალები

ხანგრძლივობა: საშუალოდ 1.5-2  საათი, ჩარევის ტიპის მიხედვით. 

ანესთეზია: ადგილობრივი ან ზოგადი. 

რეაბილიტაცია: შეშუპება, მცირედი სისხლჩაქცევები აღინიშნება პირველ კვირებში. აუცილებელია კომპრესიული თეთრეულის გამოყენება ექიმის მიერ დანიშნული ვადით.  პაციენტმა უნდა განახორციელოს რამდენიმე პოსტოპერაციული ვიზიტი კლინიკაში. 

შედეგი: შედეგი თვალსაჩინოა მყისიერად, ოპერაციის შემდეგ, თუმცა საბოლოო შედეგი დგება ოპერაციიდან 3-6 თვეში. 

ვისთვის არის რეკომენდებული: ჩარევა რეკომენდებულია მამაკაცებისთვის,  ვისაც სურს სხეულის პროპორციების კორექცია.