ლიპოსაქცია ქირურგიული ჩარევაა, რომელიც მიმართულია სხეულის კონკრეტული ზონებიდან ზედმეტი ცხიმოვანი ქსოვილის მოცილებისკენ. მიზანი არ არის წონის კლება, არამედ სხეულის კონტურის შეცვლა იმ ადგილებში, სადაც ცხიმი რეზისტენტულია დიეტისა და ფიზიკური აქტივობის მიმართ.

ლიპოსაქციის თანამედროვე მიდგომაა ლიპოსკულპტურა – პროცედურა, რომლის დროსაც ქირურგი არა მხოლოდ ამცირებს ცხიმს, არამედ ახდენს ცხიმის გადანაწილებას/გადანერგვას საჭირო ადგილებში იმ მიზნით, რომ  სხეულის ფორმები იყოს მეტად ჰარმონიული.

ლიპოსაქციის პროცედურასთან ერთად შესაძლებელია განხორციელდეს საკუთარი ცხიმის გადანერგვა და ინოვაციური Nanofat ლიფტინგი, რა დროსაც ოპერაციის დროს ორგანიზმიდან ამოღებული ცხიმი დამუშავდება სპეციალური მეთოდით და მოხდება მისი გადანერგვა იმ მიდამოში, რომლის შევსებაც პაციენტს სურს. 

ჩვენს კლინიკაში ტარდება როგორც ტრადიციული, ასევე ლაზერული,  ულტრაბგერითი და ვიბრაციული ლიპოსაქცია. ხშირად ხდება ამ მეთოდების კომბინირება უკეთესი შედეგის მისაღწევად და პაციენტის მაღალი უსაფრთხოების უზრუნველსაყოფად. ულტრაბგერითი და ლაზერული ლიპოსაქციის ჩასატარებლად საჭირო თანამედროვე აპარატურის დახმარებით, პაციენტისთვის მეტად კომფორტულად მიიღწევა საუკეთესო შედეგები და გლუვი ფრომები.

პროცედურის დეტალები 

ხანგრძლივობა: 1.5 – 3 საათი, ჩარევის მიდამოსა და მოცულობის მიხედვით. 

ანესთეზია: ადგილობრივი ან ზოგადი. 

რეაბილიტაცია: პირველ დღეებში მოსალოდნელია შეშუპება, სისხლჩაქცევები და დისკომფორტი. აუცილებელია კომპრესიული თეთრეულის ტარება რამდენიმე კვირის განმავლობაში. 

შედეგი: პირველი შედეგი შესამჩნევია პირველივე დღეებში, საბოლოო ფორმა კი ყალიბდება 2-დან 6 თვის ვადაში, შეშუპების სრული  ჩაცხრობის შემდეგ. 

ვისთვის არის რეკომენდებული: ლიპოსაქცია რეკომენდებულია მათთვის, ვისაც სურს სხეულის გარკვეული ზონებიდან ცხიმის მოცილება (მუცელი, წელი, გვერდები, მუხლები, მხრები, ხელები, ბარძაყები, ზურგი, ღაბაბი, ბოქვენი და სხვ.), მამაკაცებისთვის, ვისაც აწუხებს გინეკომასტია და სურს მკერდის ფორმის კორექცია, პაციენტებისთვის, ვისაც სტაბილური წონა აქვს და სურს სხეულის პროპორციების გაუმჯობესება / გამოკვეთა.