აბდომინოპლასტიკა ქირურგიული ჩარევაა, რომელიც გულისხმობს მუცლის მიდამოში მოშვებული, ზედმეტი კანისა და ცხიმოვანი ქსოვილის მოცილებას და კუნთოვანი სტრუქტურის გამაგრებას.  პროცედურა განსაკუთრებით ეფექტურია ორსულობის, წონის კლების შემდეგ ან ასაკობრივად/გენეტიკურად მოდუნებული კანის მოსაცილებლად და მუცლის იერსახის აღსადგენად.

კონსულტაციისას ქირურგი ინდივიდუალურად აფასებს თითოეული პაციენტის მდგომარეობას და განსაზღვრავს, რა მასშტაბის ჩარევა იქნება მიზანშეწონილი - სრული აბდომინოპლასტიკა, მინი აბდომინოპლასტიკა თუ აბდომინოპლასტიკა ლიპოსაქციასთან კომბინაციაში.

პროცედურის დეტალები

ხანგრძლივობა: საშუალოდ 2.5 – 4 საათი, ჩარევის სირთულისა და მასშტაბის მიხედვით.

ანესთეზია: ზოგადი ანესთეზია.

რეაბილიტაცია: პირველ დღეებში მოსალოდნელია შეშუპება, ტკივილი და მოძრაობის შეზღუდვა. ხშირად გამოიყენება დრენაჟები რამდენიმე დღის განმავლობაში და აუცილებელი ხდება სპეციალური კომპრესიული თეთრეულის ტარება 4–6 კვირის განმავლობაში.

პაციენტმა უნდა განახორციელოს რამდენიმე პოსტოპერაციული ვიზიტი კლინიკაში ნაკერების მოხსნისა და რეაბილიტაციის პროცესზე დაკვირვების მიზნით.

შედეგი: შესამჩნევი გაუმჯობესება ჩანს პირველივე დღეებში, მაგრამ საბოლოო შედეგის შეფასება რეკომენდებულია მინიმუმ 3–6 თვეში, შეშუპების ჩაცხრომის შემდეგ.

ვისთვის არის რეკომენდებული: მათთვის, ვისაც აწუხებს მუცლის არეში მოდუნებული კანი, მოშვებული მუცელი, ზედმეტი ცხიმი, სტრიები.