პროცედურა ტარდება Fraxel SR ტექნილაგიით, რა დროსაც ლაზერის სხივი ფრაქციებად იყოფა და მოქმედებს კანის ღრმა შრეებზე.  კლინიკაში აღნიშნული პროცედურის ჩასატარებლად ვიყენებთ გერმანული წარმოების Asclepion სისტემის ლაზერს.

ლაზერული დასხივებით გამოწვეული თერმული ეფექტი ხელს უწყობს ახალი ელასტინისა და კოლაგენის გამომუშავებას, კანის სრულ რეგენერაციას და სტრუქტურულ გაუმჯობესებას. ტექნოლოგია იდეალურია პაციენტებისთვის, ვისაც სურს შედეგი მინიმალური რეაბილიტაციით.

პროცედურის დეტალები

ხანგრძლივობა: 30-60 წუთი, ზონის ფართობის მიხედვით.

ანესთეზია: ზედაპირული ანესთეზია (საანესთეზიო კრემის გამოყენებით).

რეაბილიტაცია: მინიმალური. პირველი 1–5 დღე აღინიშნება სიწითლე, გაუფერულება და მსუბუქი დაჭიმულობის შეგრძნება. შეიძლება კანი აიქერცლოს ან ადგილობრივად გაუხეშდეს. სრული რეაბილიტაციისთვის საკმარისია ერთ კვირამდე ვადა. პაციენტს შეუძლია მეორე-მესამე დღეს დაუბრუნდეს ცხოვრების ჩვეულ რითმს.  აუცილებელია ექიმის მიერ დანიშნული როგორც ჰიგიენური და სამკურნალო, ასევე აკრძალვითი რეკომენდაციების დაცვა და მზისგან დამცავი საშუალებების სისტემტიური გამოყენება.

შედეგი: რამედნიმე დღეში შესამჩნევია კანის სიგლუვე, ტექსტურის გაუმჯობესება, ფორების შემცირება და ფერის გათანაბრება. საბოლოო შედეგი ყალიბდება 1–2 თვეში. რეკომენდებულია 2–3 პროცედურის კურსი ექიმის მიერ დანიშნული ინტერვალებით.

ვისთვის არის რეკომენდებული: მათთვის, ვისაც აწუხებს გაფართოებული ფორები, აკნეს შემდეგომი ნაწიბურები, პიგმენტაცია, კანის საერთო სიმშრალე, ელასტიურობის დაქვეითება, წვრილი ნაოჭები და ასაკობრივი ცვლილებები.