პროცედურა არის მინიმალურად ინვაზიური ლაზერული თერაპია, რომელიც მიზნად ისახავს ინტიმური ზონის ჰიპერპიგმენტაციის შემცირებას. ფრაქციული ლაზერით დასხივებისას იქმნება მიკროთერმული ზონები კანის ზედა და შუა შრეებში, რაც ააქტიურებს რეგენერაციას, ახალ კოლაგენურ სინთეზს და მელანინის თანაბარ გადანაწილებას. შედეგად, კანი ხდება უფრო ნათელი, გლუვი და ერთფეროვანი, უმჯობესდება ტექსტურა და ელასტიურობა.

პროცედურამდე პაციენტს ჩაუტარდება დეტალური კონსულტაცია და აეხსნება პროცედურის მოსალოდნელი შედეგები, უკუჩვენებები და პროცედურის შემდეგ აუცილებლად დასაცავი რუტინა.  შემდეგ მომზადდება კანი პროცედურისთვის, გაყუჩდება ადგილობირივი ანესთეზიით და დასხივდება ლაზერით. 

პროცედურის დეტალები

ხანგრძლივობა: 20–30 წუთი.

ანესთეზია: ზედაპირული საანესთეზიო კრემი.

რეაბილიტაცია: მინიმალური. პირველი 1–3 დღე მოსალოდნელია სიწითლე და მსუბუქი შეშუპება, შემდეგ მსუბუქი აქერცვლა 3–7 დღის განმავლობაში. აუცილებელია პროცედურის შემდეგ გაცემული როგორც ჰიგიენური, ასევე აკრძალვითი რეკომენდაციების დაცვა. 

შედეგი: ფერის ცვლილება მოხდება თანდათან, 3–4 კვირის განმავლობაში; 1-2 თვეში შეიმჩნევა კანის სტრუქტურისა და ელასტიურობის გაუმჯებესება. რეკომენდებულია დამხმარე და/ან შემანარჩუენებლი განმეორებითი სესიების ჩატარება ექიმის მიერ განსაზღრული ინტერვალებითა და ოდენობით.

ვისთვის არის რეკომნდებული: პროცედურა რეკომენდებულია მათთვის, ვისაც დისკომფორტს უქმნის ვულვის/შორისის ფერის ცვლილება ჰორმონალური, ასაკობრივი თუ პოსტ-ანთებითი ცვლილებების ფონზე, ესთეტიკური დისკომფორტი, კანის ტექსტურის დარღვევა.