ასეთ ოპერაციებს შორის არის საშოს პლასტიკა, იგივე ვაგინოპლასტიკა, რომელიც მიზნად ისახავს საშოზე ქირურგიული ჩარევის გზით მისი ფორმისა და ტონუსის აღდგენას;

დიდი სასირცხო ბაგეების დაპატარავება, იგივე ლაბიაპლასტიკა, რომელიც მიზნად ასახავს სასირცხო ბაგეების ასიმეტრიის კორექციას;

კლიტორის კორექცია, რომელიც ასევე მიმართულია ჰიპერტოფიის გასასწორებლად მგრძნობელობის შენარჩუნებით და სხვა.

ნებისმიერი ქირურგიული ჩარევის წინ ხდება პაციენტის კონსულტაცია როგორც ექიმი გინეკოლოგის, ისე პლასტიკური ქირურგის მიერ. შეირჩევა ინდივიდუალურად პაციენტზე მორგებული მკურნალობის მეთოდი და დაიგეგმება ოპერაციული ჩარევის დღე.  ოპერაციის მოცულობიდან გამომდინარე, ოპერაცია ჩატარდება ამბულატორიულად ან სტაციონარში მოთავსებით.

პროცედურის დეტალები

ხანგრძლივობა: 1-დან 2 საათამდე.

ანესთეზია: ჩარევის მოცულობიდან გამომინარე, გამოიყენება ზოგადი ან ადგილობრივი ანესთეზია.

რეაბილიტაცია: ოპერაციის შემდეგ პირველი 1 კვირის განმავლობაში შესაძლოა პაციენტს აღენიშნებოდეს მცირედი შეშუპება, მგრძნობელობა და მსუბუქი ტკივილი, რომელიც კონტროლდება მედიკამენტებით. აუცილებელია მკურნალი ექიმების მიერ გაცემული რეკომენდაციების განუხრელად დაცვა.  სრული რებილიტაციისთვის საჭიროა საშუალოდ 6–8 კვირა. პაციენტმა უნდა განახორციელოს რამდენიმე პოსტოპერაციული ვიზიტი კლინიკაში ნაკერების მოხსნისა და რეაბილიტაციის პროცესზე დაკვირვების მიზნით.

შედეგი: ოპერაციის შედეგად მიიღწევა როგორც ესთეტიკური, ისე ფუნქციური გაუმჯობესება. პაციენტების უმეტესობა აღნიშნავს თავდაჯერებულობის ზრდას და ინტიმური ცხოვრების ხარისხის გაუმჯობესებას.

ვისთვის არის რეკომენდებული: ჩარევა რეკომენდებულია მათთვის, ვისაც აქვს ესთეტიკური ან ფუნქციური დისკომფორტი ინტიმურ ზონაში, მშობიარობის შემდგომი მოდუნება, თანდაყოლილი, ტრავმის ან ოპერაციების შემდეგ შეცვლილი იერსახე, კლიტორის ჰიპერტროფია, ინდივიდუალური ესთეტიკური სურვილები.